De Dettske Baanhow

In de 1970er Jaohre ännerte sick dat Beld von dän Dettsken Baanhow harre. He wüör vöputzt un striëken. Düt Utseihn häöll fö ´ne guëte 35 Jaohre. De Dütske Bahn lait dän Baanhow een lück schlüören, jüst so äs in viële ännere Kiärspels, un so beschlott de Stadt Emsdetten 1999 Baanhow un dat ümto liggende Pand attraktiver to maken. Dat Land NRW un de Dütske Baan harr eene Modernisierungsoffensive „100 Bahnhöfe“. Met Hölpe von düt Programm, in dat de Dettske Baanhow upnuommen wuor, fönk dat nië Trächtemaken von dän Baanhow an. Een Busbaanhow wüör baut, eene Unnerführung, eene Radstation un een ganz excüse Dack! Met ungewüëhnlicke Farwen saoch dat Dack ganz änneers ut, äs m´dat süss to seihn kreeg. Binnen drin kreegen se alls harut un bauden et ganz nie up. „Upstaohn ut Ruinen,“ konn man baol säggen. Harre attraktiv wieste sick de Baanhow nu de Reisenden un de Dettsken Inwüëhners. Auk vüör ännere Gasthüüser in Baanhöwe brukede sick de Dettske Baahnhowswärtschupp nich vöstoppen.

Das Bahnhofsgebäude im Jahre 1976

Das Bahnhofsgebäude im Jahre 2012

De gröttste Belang för de Industralisierung von Detten wass de Anschlutt an dat Isenbahnnet . 1853 wuor Rheine ganz offiziel een Isenbaahnknotenpunkt. Von hier ut woll m´ Emden (Norden), Mönster (Süden), Ossenbrügge (Osten) un Holland (Westen) anstüërn küennen. De genaue Wägg tüsken Mönster un Rheine was apapt no nich beschluotten. Diskuteert wuorden twe Wägge: Üöwer Stemmert/Nienkiärken un üöwer Detten/Greiwen. De Dettsken Häeren von ´t Amt mennen, dat de küöttere Wägg liek ut üöwer Detten gönk un deswiägen de biättere Wägg wüör, äs üöwer Stemmert un met de Befüörderungen von dat Wiärks ut de Wiäwerien saochen se de lesste Huoppnung för dat arme Detten.

Dat Hen un Hiär bi de Fraoge, wao de Bahn langs gaohn soll, was lange nich an End. Söwst de Prinz ut Stemmert kam no daoto un suorgte daoför, dat de Gleisbauarbeiden, met de se all anfangen wassen, tüskendüör instellt wuor´n. An Enne hadden Greiwen un Detten apat de Niëse vüörn. De Arbeiden göngen wiede un in Detten gönk ´t in ´t Fröhjaohr 1854 loss.

Das Bild zeigt die verschiedenen Vorschläge zu den Streckenführungen der Bahnlinie Münster-Rheine.

Deutsch Englisch Niederländisch Polnisch Plattdeutsch

close

Deutsch Englisch Niederländisch Polnisch Plattdeutsch

close